Tàm Pơrjum lam lơh broă rơndăp lơh nam 2023 bè broă lơh gàr niam bơta niam, sàng goh phan sa bơh Ƀộ Nông nghiệp mờ Phát triển Nông thôn pơgồp bal mờ Ủy ƀan Ñân zân ƀòn dờng Hà Nội dê bơyai lơh tàm ngai 06/01, Thứ trưởng Ƀộ Nông nghiệp mờ Phát triển Nông thôn ồng Trần Thanh Nam sồr, sơlơ sền gàr niam sàng goh phan sa tàm dơ̆ sa tềp bơhiàn dà lơgar dê nam Qúy Mão 2023. Đơs tàm pơrjum, Thứ trưởng Ƀộ Nông nghiệp mờ Phát triển Nông thôn ồng Trần Thanh Nam pà gĭt, gàr niam sàng goh phan sa tàm dơ̆ sa tềp bơhiàn dà lơgar he nam Qúy Mão 2023, Ƀộ neh sồr lơh ală mpồl lòt sền tàm ală ƀòn dờng dờng. Bơh lòt sền pà gŏ, ală phan bơna lơh geh bơta niam sàng goh phan sa tơl tăc tàm dơ̆ sa tềp bơhiàn dà lơgar nam Qúy Mão 2023. Broă kờñ pal sền gròi tàm tơngai do là gàr niam sàng goh phan sa ală phan bơna tăc ai dơ̆ sa tềp in tàm ală drà bơh yau, drà tơrgùm ală phan bơna.