Jăt Phó Củ tịc Duh broă sùm Mpồl cau lơh ƀăo Việt Nam ồng Nguyễn Đức Lợi yal, Dơ̆ pơrlòng sră ƀăo Dà lơgar nam 2023 pơn jăt tai lơh jăt broă ai khà pờ tàm internet bơh tàm phần mềm ai khà pơrlòng bơh Mpồl Cau lơh ƀăo Việt Nam dê gơwèt mờ ală jơnau cih điện tử, pờ tơlik jơnau đơs, sơnio rùp, bơdìh broă ai khà tơn ală jơnau cih ƀăo lĭp, ƀăo rùp.

Tàm khà 1 rơbô 827 jơnau cih gơwèt 11 bơta Khà, Mpồl duh broă Ai ing khà neh ring bal rơwah geh 165 jơnau cih mŭt tàm dar pơrlòng dŭt ndơl. Do là ală jơnau cih jăk ngan, geh pơnrơ bè tơngu me mờ broă lơh, ai tơngŏ uă ală bơta kwơ màng bơh dà lơgar dê, geh bal cíñ trị-nùs nhơm, ai geh gùng dà, broă lơh di pal geh gơrềng mpồl bơtiàn niam mờ pràn kơl dang.