VOV4.K’ho- Tơngkah kir sơnrai 91 nam ngai crơng gơs Đoàn Ơruh pơnu Kộng sản Hồ Chí Minh dà lơgar (26/3/1931- 26/3/2022), gờm chờ Pơrjum dờng Đoàn ală kâp, wèt tus Pơrjum dờng Đoàn gùt lơgar dơ̆ 12, drim do 01/03, tàm Hà Nội geh lơh Dơ̆ sơnđờm lơh Nhai ơruh pơnu nam 2022 mờ tơngume “Rơnàng kơnòm să bơceh pa” bơh Đoàn ơruh pơnu kộng sản Hồ Chí Minh dà lơgar dê bơyai lơh.

Tàm dơ̆ sơnđờm lơh, Đoàn ơruh pơnu Kộng sản Hồ Chí Minh dà lơgar bơyai lơh ràng tơlik bơceh pa “Bồ tơngoh jak pa Ơruh pơnu” bal mờ ală cơldŭ ràng tơlik ală phan bơna bơceh pa bơh rơnàng kơnòm să dê, ală phan bơna jak chài kông nghệ bơh đoàn viên, ơruh pơnu tus bal kơlôi sơnơng mờ lơh; ală phan bơna ngui tam gơl sồ tàm mblàng yal, bơto bơtê bơhiàn ai ơruh pơnu kơnòm pa tàu mờ kơnòm dềt in...; Mơkung sơnđờm ai ngui “Sèng chi Ơruh pơnu”; lòt còp mờ pà phan Mè Việt Nam khin cha jak chài in mờ sơnđờm lơh Hìu 100 đong tàm kơnhoàl Thạch Thất mờ thị xã Sơn Tây. Kờp jơh priă jền lơh ală broă lơh lơh jăt sơnđờm lơh Nhai ơruh pơnu nam 2022 là mờr 2 tơmàn đong.

Cau mblàng Lơ Mu K’Yến