VOV4.K’ho- Ngai 13/03, ală Ƀộ, gah lơh broă kâp dà lơgar, ală anih lơh broă ala măt lơgar Việt Nam geh gơrềng bal neh bơyai lơh ai 2 nơm rơndeh par jun mờr 600 nă làng bol lơgar Việt nam mờ hìu bơnhă ntrờn bơh lơgar Ukraine tus lơgar Ba Lan mờ Rumani rê hờ lơgar tờm ờdo ờdă.

Tàm hơ̆ geh 138 nă kơnòm dềt bơh 03 nhai tus 18 sơnam, 70 nă cau dờng sơnam bal mờ uă ngan cau ùr geh bun mờ cau kòp. Ờ dùl êt nă cau neh geh tus rlau 30 nam ơm kis, lơh broă mờ lơh sa tàm lơgar Ukraine. Rê wơl tàm bơta tam lơh, uă cau ờ gam tai sră pơ àr să tờm dê, ờ geh sră lòt rê lơgar ndai, ờ geh sră lòt gùng. Bulah bè hơ̆, ală ƀộ, gah lơh broă kâp dà lơgar neh sồr mpồl lơh broă geh gơnoar tàm ƀlàng rơndeh par dong kờl bơsong di tŭ broă yal wơl, lùp wơl nàng pà wơl ală sră pơ àr kờñ pal geh.

Cau mblàng Lơ Mu K’Yến