VOV4.K’ho- Tềng đap nam bơsram pa 2022- 2023, gah bơto bơtê càr Gia Lai gam lam lơh dùl ròt bal uă broă lơh nàng gàr niam tơl khà cau pơgru, ngan là cau pơgru tàm ală môn tàm broă lơh Bơto bơtê phổ thông pa gơwèt mờ ală khối ơdŭ 3, ơdŭ 7 mờ ơdŭ 10.

Gia Lai: bơsong bơta ờ tơl cau pơgru tềng đap nam bơsram pa

Jat cồng nha sền sơ wì bơh Sở Giáo zục mờ Đào tạo càr Gia Lai, nam bơsram pa 2022- 2023 do, càr ờ tơl 3 rơbô 414 nă cau pơgru jat jơnau kờp khà kơnòm bơsram dê. Nàng gàr niam tơl khà cau pơgru ai nam bơsram pa in, ală kơnhoàl, thị xã, ƀòn dờng tàm Gia Lai gam lam lơh sră pơrgon lơh broă, sac rơ wah cau pơgru pa bơto jơnau dà Mỹ; Sở Giáo dục mờ Đào tạo lam lơh bơto bơtê môn tin học mờ kông nghệ kấp dùl gơwèt mờ ală cau pơgru geh bơta chài nàng di pal mờ kơnòl broă bơto bơtê tềng đap mat. Bơdìh hơ̆, jat jơnau sồr bơh Ủy ƀan Ñân zân càr Gia Lai, ală tiah gam pơgồp bal mờ gah bơto bơtê pơn jat tai lơh mhar broă tơrgùm ơdŭ, tơmŭt bal hìu bơsram, mờ lơh niam kwang bàng lơh broă.

Cau mblàng K’Hạnh