VOV4.K’ho- Drim ngai 19/05, tàm ƀlàng dờng Đại Đoàn Kết, Tỉñ ủy, Hội đồng Ñân zân, Ủy ƀan Ñân zân, Ủy ƀan Mặt trận Dà lơgar Việt Nam càr Gia Lai yŭ rơyùm  bơyai lơh dơ̆ yồng bung bi Tơngkah kir sơn rai 132 nam Ngai deh Củ tịc Hồ Chí Minh (19/5/1890-19/5/2022) mờ 90 nam Ngai crơng gơs càr Gia Lai (24/5/1932-24/5/2022).

Nùs nhơm dờng màng bơh Dơ̆ yồng bùng bi tàm ƀlàng dờng Đại Đoàn Kết

Tàm nùs nhơm ki ngàm, bùng bi dà lơgar neh geh mpồl ling phàu crong càr Gia Lai dê wă rò mut tàm tiah bơyai lơh dơ̆ yồng bùng bi. Tàm dơ̆ Yồng bùng bi dà lơgar, mpồl ling phàu crong càr Gia Lai neh lòt pơdar, jờng rơ mpồl ling bơh Anih mòn rùp Bác Hồ mờ ală jơi bơtiàn kòn cau Tây Nguyên dê. Tơngŏ bè dùl mpồl ling phàu crong sơr băc mhar, nhap nhar, pràn jak, sùm dờng pràn bè tơl gah, sùm jơh nùs jơh tồr mờ Đảng, mờ broă lơh kăc màng jơi bơtiàn dê. Tơnơ̆ dơ̆ Yồng bùng bi, kwang đơng lam bồ càr Gia Lai neh ki ngàm pơdơng bơkào, chu ñàng kah kơlôi Bác Hồ dờng màng.

Cau mblàng K’Hạnh