VOV4.K’ho- Ngai 28/6, Tỉñ ủy Gia Lai tơlik kơrnuat bè broă crơng gơs Mpồl đơng lam rơcang sơndră sa kuề sa kuà, broă ờ niam bơh càr dê. Jat hơ̆, Mpồl đơng lam geh 15 nă kwang geh jơng, tàm hơ̆ ồng Hồ Văn Niên - Ƀí thư Tỉñ ủy, Củ tịc Hội đồng Ñân zân càr Gia Lai lơh kwang atbồ mpồl; ồng Rah Lan Chung- Phó Ƀí thư Tỉñ ủy, Kwang atbồ Ƀan Nội cíñ Tỉñ ủy lơh Phó kwang atbồ Mpồl lơh broă sùm.

Mpồl đơng lam rơcang sơndră sa kuề sa kuà, broă ờ niam càr geh kơnòl tă pơgồp jơnau đơs, dong Ƀan Thường vụ Tỉñ ủy đơng lam bồ mờ lam lơh jat broă lơh rơcang sơndră sa kuề sa kuà, broă ờ niam tàm càr, jat Jơnau sồr sồ 67 ngai 02/6/2022 bơh Ƀan Ƀí thư dê bè gơnoar broă, kơnòl broă, gơnăp gơnoar mpồl kwang bàng duh broă, lơh broă, gơ rềng lơh broă bơh mpồl đơng lam rơcang sơndră sa kuề sa kuà, broă ờ niam kâp càr, ƀòn dờng gơ wèt dà lơgar.

Cau mblàng K’Duẩn