VOV4.K’ho - Rơlao 1 poh tơnơ̆ mờ tŭ ồng Võ Ngọc Thành, Ƀí thư Mpồl đơng lam Đảng, Củ tịc UɃÑZ càr gơtìp lơh glài tơn jơh at gơnoar broă đảng, broă kwang bàng Đảng tàm UBÑZ càr Gia Lai neh pơrjum, rơndăp pồ wơl broă lơh ală Phó Củ tịc tàm anih lơh broă do.

Jăt mờ hơ̆, ồng Đỗ Tiến Đông, Phó Củ tịc Thường trựk UɃÑZ càr Gia Lai geh pồ lơh kwang đơng lam ing, atbồ tơl ală broă lơh, kơnòl broă lơh gơwèt gơnoar bơh Củ tịc UɃÑZ càr. Ồng Kpă Thuyên, Phó Củ tịc UɃÑZ càr Gia Lai drơng broă, đơng lam ală gah broă: lơh sa suơn sre; tiah kis; broă kòn cau. Mò Nguyễn Thị Thanh Lịch, Phó Củ tịc UɃÑZ càr drơng broă, đơng lam ală gah broă: bơta chài rơgơi bơto bơtê mờ bơsram; lơh sơnơm; khà kờp làng bol, broă jăt yàng. Ồng Hồ Phước Thành, Phó Củ tịc UɃÑZ càr sền gròi, drơng broă, đơng lam mpồl lơh sa tơrgùm bal, tàm hơ̆ geh: broă rơndăp lơh, priă jền, kông thương...

Cau mblàng Ndong Brawl