Bàr nă kơnòm pa tàu tàm ƀòn Enan, xã Ia Rsai, kơnhoàl Krông Pa, càr Gia Lai neh bơtuah geh dong klàs bơh bơta ngòt rơngơt tŭ gơtìp gơ kòl tàm gùl dà kŏ hòr ñhang ngan. Mho ngai 02/8, 2 nă oh là Rơ Ô H’Bái (14 sơnam) mờ Rah Lan H’Mơn (15 sơnam) lòt tàm mìr den gơtìp trồ mìu sơr. Tŭ gŏ dà kŏ dà cò tuh rê mhar ngan, ală oh kung gam pơn đơl pràn tă gan dà croh Ea Rsai nàng rê tàm hìu. Tus nggùl dà croh den ală oh gơtìp kòl ờ gơtùi lòt tai. Tơnơ̆ tŭ klo yal, Mpồl đơng lam rơcang sơndră trồ tiah lơh aniai- Jòi dong kờl rềs àr xã Ea Rsai neh sồr mpồl Kwang àng xã bal mờ 2, 3 nă ơruh pơnu tàm ƀòn Enan tus tiah 2 nă oh gơ kòl nàng dong kờl. Mpồl dong kờl rềs àr neh ngui àu pơr đồng mờ che nàng tus rềp tiah 2 nă oh kòl. Tơnơ̆ uă bơta pơn đơl pràn, 2 nă oh neh geh jun rê hờ ù gờl lơngăp lơngai.