Tàm dơ̆ cribơyai, ală jơnau đơs đơs là, tiah Tây Nguyên geh ală bơta mùl gŏ krơi is, ngan là ală broă bè kah yau, ntrờn làng bol khat gơ boh, là tiah geh uă jơi bơtiàn kòn cau dùl ết nă cau, ù tiah brê bơnơm geh uă... Den tàng, tàm bàr pe tơngume pal cih ngan ngồn mờ ờ tàm rơndap rơndồl mờ ală adat ndai. Ngan là atbồ ù lơh sa suơn sre, ù lơh sa dờng, broă lơh ù tiah ai làng bol kòn cau dùl ết nă cau in, jơnau cih bè giă ù tiah mờr di mờ giă drà kă bro dê.

Đơs tàm dơ̆ lơh broă, Thứ trưởng Ƀộ Tài nguyên mờ Môi trường ồng Lê Minh Ngân pà gĭt, tus tŭ do, ală càr, ƀòn dờng tàm gùt lơgar neh ai lơh jat Broă rơndap lơh lam lơh ai jơnau đơs làng bol dê gơwèt mờ jơnau rcang cih Adat Ù tiah (tam gơl). Uă tiah lam lơh tus kấp xã. Jat ồng Lê Minh Ngân, Ƀộ Tài nguyên mờ Môi trường rơ̆p mhar pơyoa jơnau yal tơrgùm wơl tă pơgồp jơnau đơs làng bol dê bè jơnau rcang cih Adat bơh ală tiah, Ƀộ, ngàñ ai Ủy ƀan Kiñ tế, Ủy ƀan Adat boh lam bơh Quôk hội dê bè broă iăt, kơno, mblàng lơh loh jơnau đơs làng bol bơh Anih lơh broă cih jơnau dê.