VOV4.K’ho- Tơnơ̆ rlau 3 nhai lam lơh, Mpồl hòi jà lam lơh Broă lơh “Gùng internet mờ măy tíñ ai oh in” càr Gia Lai dê neh dờp geh uă bơta tă pơgồp dong kờl ai kơnòm bơsram ờ geh măy mok bơsram pờ tơlik tơn tàm internet in mờ kờp jơh priă jền là rlau 1 tơmàn 300 tơlak đong.

Sở Giáo zụk mờ Đào tạo càr Gia Lai yal: Bơh kờp sền, tŭ do, càr Gia Lai kung gam sơl rlau 37 rbô nă kơnòm bơsram kal ke, ờ hềt geh măy tíñ, gùng internet mờ internet nàng drơng broă bơsram sră. Tềng đăp bơta geh ngan do, gah bơto bơtê tiah do neh dờp geh bơta dùl nùs bal bơh Ƀộ Giáo zụk mờ Đào tạo dê nàng kờñ pơn jăt tai hòi jà lam lơh broă lơh “Gùng internet mờ măy tíñ ai oh in” tàm Gia Lai mờ khà priă gơguh tus 35 tơmàn đong.

 Cau mblàng Lơ Mu K’Yến