VOV4.K’ho- Sa tềp bơhiàn dà lơgar dê Ñâm Zần 2022 mờr tus rềp ngan, broă gàr niam anih lơh gơlik phan mờ gàr niam giă tăc bro tàm drà kă bro là broă tờm geh Sở Kông thương càr Gia Lai mờ ală tiah, mpồl lơh sa kă bro tàm càr dê rơcăng lài lam lơh. Jăt Sở Kông thương càr Gia Lai yal, khà phan bơna kă bro geh ală anih rơcăng lài ơn prăp jăt broă rơndăp lơh tàm dơ̆ sa tềp bơhiàn dà lơgar dê Ñâm Zần geh gơguh pơgăp 15% tus 30% pơndrờm mờ ală nhai tàm nam.

Ală siêu thị tàm Gia Lai rơcăng phan bơna kă bro uă ngan nàng tăc tàm drà kă bro tàm dơ̆ sa tềp Ñâm Zần

Mìng is nhai mờr tus ngai sa tềp, yal lài jơnau kờñ blơi phan geh gơguh pơgăp 30% den tàng khà phan bơna ơn prăp kờp priă geh pơgăp 9 rbô 100 tơmàn đong. Nàng gàr niam tăc tơl phan bơna kờñ pal geh tàm dơ̆ sa tềp, Sở Kông thương sồr ală anih, mpồl lơh sa kă bro lam lơh jăt broă rơndăp lơh ơn prăp phan bơna kờñ pal geh nàng gàr niam drà kă bro mơkung hơ phan bơna kờñ pal geh pal lơh geh bơta niam, geh sră tăc blơi cơng tàng wil tơl, anih lơh gơlik loh làng. Rơcang lài sơndră wơl mờ jơh ală bơta digơlan gơlik geh kal ke bơh drà kă bro dê, gàr niam ờdo ờdă rơcăng sơndră kòp Kovid-19.

Cau mblàng Lơ Mu K’Yến