Ală pôs ling sền gàr tiah nhàr dà lơgar gơ wèt Mpồl ling sền gàr tiah nhàr dà lơgar càr Gia Lai neh rơcang lài broă rơndap lơh sền gàr tiah nhàr dà lơgar lài mờ tŭ, tàm tŭ mờ tơnơ̆ sa tềp dà lơgar. Ală mpồl git loh broă gơlik geh tàm dơlam gùng nhàr dà lơgar, bơdìh gùng nhàr lơgar; lam lơh pơlam tàp ală rơndap broă atbồ, sền gàr tiah nhàr dà lơgar mờ ală broă rơndap lơh lòt sền 2 gah mờ Mpồl sền gàr tiah nhàr dà lơgar đah lơgar Campuchia. Bal mờ hơ̆, ală mpồl gam sơlơ tơnguh tai pơlam tàp ală broă rơndap lơh, lam lơh broă ơm gak rơcang lài tam lơh, ờ lời gơlik geh bơta rơ mơp ndơl, nisơna. Bơdìh hơ̆ tai, mpồl ling sền gàr tiah nhàr dà lơgar pơn jat tai sơlơ tơnguh tai ơm rềp ƀòn lơgar, git broă gơlik geh tàm ƀòn lơgar, pơgồp bal mờ ală mpồl lơh broă geh gơnoar, gơnoar atbồ tàm ƀòn lơgar lam lơh broă rơndap lơh rơcang sơndră cau tìs tiah nhàr dà lơgar; lam lơh srơh jơh gùt làng bol tus bal yă cau tìs, ngan là cau tìs tac bro phan tìs mờ adat boh lam mờng lơh broă tàm tơngai sa tềp.