VOV4.K’ho- Tơngai pa do, giă xăng zờu neh lơh tơrmù 3 dơ̆ sùm, mơya, giă uă bơta phan ngui sa kờñ pal geh tàm Gia Lai kung gam ơm tàm khà jơnhoa mờ ờ hềt geh tềl tơngŏ “gơmù sơl”. Siêu thị Coopmark Pleiku pà gĭt, tềng đăp bơta tam gơl pa bơh giă xăng zờu dê, ală siêu thị neh pơgồp bal mờ ală cau tăc phan nàng geh broă rơndăp lơh tơrmù giă tàm tơngai tus ai ală mpồl phan kờñ pal geh in.

Mpồl lơh broă geh gơnoar càr Gia Lai lòt sền bơta niam phan bơna nàng kờñ kơryan phan ờ ngan, phan ờ niam

Nàng kờñ gròi sền drà kă bro, kơryan ală broă lơh lơh tìs kơrnoăt boh lam tàm broă lơh kă bro, mơkung gàr niam drà kă bro phan, Kụk Ătbồ drà kă bro càr Gia Lai bal mờ ală gah lơh broă geh gơnoar sơlơ lòt sền, jăt sền drà kă bro. Kwơmàng, mpồl sền gròi uă tus broă lòt sền, gròi sền ală bơta phan kờñ pal geh nàng gàr bơta kwơ ai cau ngui sa in, pơgồp bơnah gàr niam drà kă bro phan bơna.

Cau mblàng Lơ Mu K’Yến