Jăt mờ hơ̆, 03 nă Phó Củ tịc Ủy ƀan Ñân zân càr mờ 01 nă Kwang ătbồ Sở neh gơtìp Hội đồng Ñân zân càr ai tơn jơh ăt gơnoar broă. Tàm dơ̆ pơrjum dơ̆ 10 (mìng dùl tơngme), Hội đồng Ñân zân càr Gia Lai neh sền swì, ring bal ală Kơrnoăt, geh: Kơrnoăt bè broă ai tơn jơh ăt gơnoar broă Kwang geh jơng tàm Ủy ƀan Ñân zân càr Gia Lai khoă XII, tơngai lơh broă bơh nam 2021- 2026, gơwèt mờ ồng Phạm Duy Du (neh geh anih lơh broă geh gơnăp gơnoar lơh nền ai rê rlô lơh broă jăt jơnau ai bơh adat boh lam dê) mờ ală Kơrnoăt bè broă ai tơn jơh ăt gơnoar broă Phó Củ tịc Ủy ƀan Ñân zân càr khoă XII, tơngai lơh broă bơh nam 2021- 2026, gơwèt mờ ală ồng Đỗ Tiến Đông, Hồ Phước Thành mờ ồng Kpă Thuyên. Tơnơ̆ dơ̆ pơrjum, ồng Đỗ Tiến Đông mờ ồng Hồ Phước Thành geh anih lơh broă geh gơnăp gơnoar rơndăp ai lơh broă ndai. Ồng Kpă Thuyên geh bơsong jơnau rê rlô lơh broă jăt jơnau kơ̆p kờñ.