VOV4.K’ho- Drim ngai 1/6, Sở Văn hóa Thể thao  mờ Zu lịc càr Gia Lai pơgồp bal mờ ală mpồl lơh broă geh gơrềng bơyai lơh dơ̆ sơnđờm mut lơh ngai Olympic kơnòm dềt mờ hòi jà jơh gùt làng bol tàp môn re dà, rcang sơndră bŭ dà nam 2022. Dơ̆ sơnđờm mut lơh geh bơta tus bal bơh rlau 200 nă kwang bàng, công cứk, viên cứk, ling geh griăt, đoàn viên, ơruh pơnu mờ ală kơnòm bơsram tus bal.

Hòi jà jơh gùt làng bol tàp môn re dà, rcang sơndră bŭ dà nam 2022 tàm Gia Lai

Jat Sở Văn hoá Thể thao mờ Zu lịc càr Gia Lai, chơ̆t bŭ dà gam là jơnau tờm lam lài lơh gơbàn chơ̆t ai kơnòm dềt, ơruh pơnu, kơnòm pa tàu mờ kơnòm dềt tàm càr. Bơh bồ nam 2021 tus tŭ do, gùt càr gơlik geh 39 dơ̆, lơh 42 nă kơnòm bơsram chơ̆t, lời wơl bơta jê sồt moăt jrùm ờ tŭ lơi jơh tàm uă hìu bơnhă dê. Tàm dơ̆ bơyai lơh, ală kơnòm bơsram geh yal ală jơnau gĭt wă mờ bơto lam lơh ală tơngume bè: bơta chài dong kờl tŭ gơtìp bŭ dà,  ală bơta pal jat tŭ sơm ai cau gơtìp rềs àr sồt să...

Cau mblàng K’Hạnh