Lơh jat 6 bơta Bác Hồ bơto Mpồl Kwang àng Làng bol, tơngai pa do, Kwang àng càr Gia Lai sùm bơsong tơl bơta kal ke, tơrgùm sền gàr lơngap lơngai ală jơnau kờñ tờm mờ kơryan cau lơh tìs, sền gàr lơngap lơngai, rơndap tap sèng mờ bơt bơtàu mpồl.

Jat hơ̆, Kwang àng càr neh rcang lam lơh dùl ròt bal, jơh nùs lơh ală kơnòl broă, broă lơh, di tŭ bơsong ală broă gơlik geh bè lơngap lơngai, rơndap tap sèng; bơsong di tŭ ală dơ̆ tam pìt tam phà, tam lah tam ring tàm làng bol, ờ lời gơlik geh bơta “duh hồl” kal ke bè lơngap lơngai, rơndap tap sèng. Sền gĭt, kơryan mờ tơn jơh uă broă lơh lam làng bol kòn cau dùl ết nă cau lòt gan tiah nhàr lơgar, lơh glài uă cau lơh tìs lơh aniai lơngap lơngai Dà lơgar. Bal mờ hơ̆, Kwang àng càr Gia Lai kung neh lơh sir di tŭ tơngai Rơndap broă lơh lơh gơlik, pà mờ atbồ Kăn kướk Làng bol... Tàm dơ̆ tơngkah, 2 mpồl cau, cau dùl nă să geh dờp Ƀằng khen bơh Ƀộ trưởng Ƀộ Kwang àng dê; 20 mpồl cau, cau dùl nă să geh dờp Ƀằng khen bơh Củ tịc Ủy ƀan Ñân zân càr Gia Lai mờ 50 mpồl cau, cau dùl nă să geh dờp sră jờng rơ bơh Kwang atbồ Kwang àng càr Gia Lai dê tài bơh neh geh cồng nha tàm ală srơh tàm pơrlòng lơh jat 6 bơta Bác Hồ bơto Mpồl Kwang àng Làng bol.