VOV4.K’ho- Ngai 23/02, càr Gia Lai git gŏ 662 nă cau bơtờp kòp Kovid-19. Do là khà cau bơtờp kòp uă ngan rlau jơh tàm pơgap 1 ngai tàm càr kờp bơh bồ tơngai gơbàn kòp tus tŭ do. Jat hơ̆, ƀòn dờng Pleiku là tiah geh khà cau bơtờp kòp uă ngan rlau jơh tàm càr. Ală kơnhoàl geh khà cau bơtờp kòp pơn jat hơ̆ là Chư Păh (67 nă), Kbang (58 nă), Chư Prông (50 nă).

Ồng Nguyễn Đình Tuấn, Phó Kwang atbồ drơng broă Sở Y tế càr Gia Lai pà git, jơnau tờm ngan là tài bơh lài mờ tŭ mờ tàm tŭ sa tềp bơhiàn, cau rê hờ càr Gia Lai uă mờ geh bơta uă cau sền ờ sơp tài bơh neh cit sơnơm vaccine. Bulah khà cau bơtờp kòp Kovid-19 gơguh jơnhua, mơya rlau 94% khà cau kòp tàm bơta nggờc, halà ờ geh tềl tơnggŏ; khà cau kòp jroă dùl êt, cau chơt dùl êt. Bè hơ̆, kờp bơh ngai 26/4/2021 tus ngai 23/02/2022, càr Gia Lai git gŏ rlau 16 rbô 900 nă cau bơtờp virus Sars KoV-2. Tŭ do, geh 45 nă cau chơt mờ gam rlau 1 rbô 400 nă cau kòp gam sơm tàm ală hìu sơnơm tàm càr.

Cau mblàng K’Duẩn