VOV4.K’ho- Ngai 04/3, Mpồl tam klac cau ùr càr Gia Lai bơyai lơh lam lơh tơngume nam 2022 mờ dơ̆ pơrlòng jòi git Nghị quyết pơrjum dờng cau ala mat cau ùr càr dơ̆ 14, tơngai lơh broă bơh nam 2021 tus nam 2026. Lơh jat jơnau đơng lam bơh Mpồl tam klac cau ùr dà lơgar Việt Nam dê, nam 2022, Ƀan Cấp hàñ Mpồl tam klac cau ùr càr Gia Lai rơ wah tơngume “Tam gơl pa, bơceh pa tàm broă lam lơh mờ lơh jat Nghị quyết pơrjum dờng cau ala mat cau ùr ală kấp” nàng lam lơh tàm gùt càr.

Tàm tơngume broă lơh, Mpồl tam klac cau ùr càr Gia Lai neh lam lơh dơ̆ pơrlòng Jòi git Nghị quyết pơrjum dờng cau ala mat cau ùr càr Gia Lai dơ̆ 14, tơngai lơh broă bơh nam 2021 tus nam 2026. Dơ̆ pơrlòng sơn đờm bơh ngai 04/3 mờ tơn jơh tàm ngai 04/8, geh lơh jat broă lơh pờ tơlik tơn tàm internet, pah nhai 1 dơ̆. Jơnau tơnggit bè jơnau lùp, jơnau hơ mờ cồng nha ală dơ̆ pơrlòng geh pờ tơlik tàm pang yal tơnggit jơnau điện tử bơh Mpồl tam klac cau ùr càr Gia Lai dê. Kwang bàng, cau tàm mpồl, cau ùr mờ ală rơnàng làng bol tŭ do gam ơm kis, lơh broă, bơsram sră tàm càr ndrờm gơtùi tus bal pơrlòng lơm.

Cau mblàng K’Duẩn