VOV4.K’ho- Drim ngai 29/8, tàm ƀòn dờng Pleiku, Ƀan Tuyên giáo Tỉñ ủy Gia Lai pơgồp bal mờ Tổng Kông ty Tân cảng Sài Gòn, Quân củng ling dà lềng bơyai lơh dơ̆ lam lơh dơ̆ pơrlòng “Jòi git bè dà lềng, bồt bơlàu Việt Nam mờ 40 nam Kông ươk Liên hợp quôk bè Adat dà lềng nam 1982 (10/12/1982- 10/12/2022).

Dơ̆ lam lơh dơ̆ pơrlòng “Jòi git bè dà lềng, bồt bơlàu Việt Nam mờ 40 nam Kông ươk Liên hợp quôk bè Adat dà lềng nam 1982”

Dơ̆ pơrlòng “Jòi git bè dà lềng, bồt bơlàu Việt Nam mờ 40 nam Kông ươk Liên hợp quôk bè Adat dà lềng nam 1982” geh lơh jat broă lơh pơrlòng trắc nghiệm online, geh 7 dơ̆, 2 poh dùl dơ̆, jŏ jòng tus ngai 01/12 nam do. Cau tus bal pơrlòng là kwang bàng, kông cứk, viên cứk, đoàn viên, kơnòm bơsram, cau bơsram dờng, ală mpồl ling, kwang àng mờ ală rơnàng làng bol tàm gùt lơgar. Dơ̆ pơrlòng pơgồp bơnah tơnguh jơnau git wă bơta ală rơnàng làng bol dê, ngan là rơnàng kơnòm să bè dà lềng, bồt bơlàu Việt Nam mờ bơta kuơ bơh dà lềng, bồt bơlàu dê tàm broă lơh bơt bơtàu mờ sền gàr dà lơgar.

Cau mblàng K’Duẩn