Tàm dơ̆ lam lơh, Mpồl bơyai lơh neh hòi jà ală kâp kông đoàn, ală ngàñ, mpồl cau, mpồl lơh sa kă bro, cau ngui cau lơh broă tàm càr geh ală broă lơh ngan ngồn, geh kwơ ngan lơh jăt Nhai lơh broă bè lơngăp lơngai sàng goh lơh broă mờ Nhai Kông ñân geh lơh bơh ngai 01/05 tus jơh ngai 31/05 tus.

Ală mpồl lơh sa kă bro, lam tơrgùm lơh jăt ală broă lơh trăng gàr, lơh niam wơl bơta lơh broă, rơcăng kơryan lài rềs àr lơh broă mờ kòp bơtờp tài broă lơh, sền gàr pràn kơldang să jan cau lơh broă in, sền gàr lơngăp lơngai màng kis ai cau lơh broă in. Nhai Kông ñân nam 2023 mờ tơngume “Tàm tơn tìp bal kông ñân, bơ̆t bơtàu mpồl”, Mpồl ala măt Lơh broă càr Gia Lai tơrgùm bơyai lơh dùl ròt ală broă lơh sền gròi trăng gàr ai đoàn viên, cau lơh broă in, bè: pơgồp bal mờ bàr pe mpồl lơh sa kă bro bơyai lơh ală cơldŭ ràng tăc phan mờ tăc phan dong kờl ai pà ai kông ñân viên cưk in; dong kờl kham kòp, bơto pơlam ală kòp bè măt ai cau lơh broă in; lam lòt còp, dong kờl kông ñân viên cưk, cau lơh broă bơtờp kòp kơn jơ̆, gơtìp rềs àr lơh broă geh rài kis kal ke in.