VOV4.K’ho - Ngai òr (08/09), Kwang àng càr Gia Lai bơyai lơh yal broă lơh mờ tơlik măt Cơl dŭ lơh broă lùp sền Sơndră ma tuý bal mờ cau tìs gan nhàr dà lơgar càr Gia Lai. Do là cơl dŭ lơh broă lùp sền dơ̆ 22 tàm 15 càr geh gùng nhàr dà lơgar tàm lơgar he dê.

Kwang àng càr Gia Lai tơlik kơrnoăt lơh cơl dŭ lơh broă lùp sền sơndră mờ ma tuý bal mờ cau tìs gan nhàr dà lơgar

Càr Gia Lai geh mờr 90 kơi sồ gùng nhàr dà lơgar rềp bal mờ càr Ratanakiri, lơgar Campuchia, geh mpồng nhàr dà lơgar dunia Lệ Thanh, 2 gùng pờ, 6 gùng dềt. Tiah nhàr dà lơgar là tiah tơrgùm pơn diang tờm bơh ală mpồl ma tuý, phan lài mờ tŭ lơh ma tuý, phan jơi kis tàm brê; kă bro mờ ai cau ntrờn ơm kis ờ di mờ adăt boh lam. Den tàng, broă lơh cơl dŭ lơh broă lùp sền nàng kơrian broă lơh bơh ală bơta tìs do là pal geh lơh. Tàm tơngai tus, Cơl dŭ lơh broă lùp sền sơndră mờ ma tuý mờ cau tìs gan nhàr dà lơgar càr Gia Lai geh bơyai lơh cri bơyai, ring bal, bơ̆t bơtàu nàng tơlik geh sră nggal kah bal bè broă pơgồp bal mờ Cơl dŭ lơh broă tàm càr Ratanakiri, lơgar Campuchia; mờ rơhời bơ̆t bơtàu gơl gùng bè rơcang sơndră mờ ma tuý mờ cau tìs tàm tiah nhàr dà lơgar tàm càr do dê...

Cau mblàng Ndong Brawl