Drà xã Ia Hla (kơnhoàl Chư Pưh, càr Gia Lai) geh lơh bơh nam 2020 mờ mut lơh broă bơh nam 2021, mờ bă ù ơnàng rlau 430 thơk vuông. Broă lơh bơt bơtàu geh mòn lơh kơ̆ kơl jăp mờ tơl làm gùng che ồs đèng, dà ngui, ală broă lơh rcang lài kơryan ồs sa mờ crùh ồs sa... Drà geh 40 bơnah tăc phan tàm hìu mờ 24 bơnah tăc phan ris geh rơkàng glòm. Tơnơ̆ 4 nam lơh jơh mờ gơ lơh bè ờ gŏ geh ngui, uă bơta neh gơtìp ờ diơng, klăp nhơ̆t hòn uă ngan.

Tềng đăp bơta drà lời gời mờ ală sơnĕ 3, sơnĕ 4 gùng cau lòt kă bro phan gal ngan, lơh roh bơta lơngap lơngai gùng lòt, Anih duh broă làng bol xã Ia Hla neh tơlik mat ală mpồl mblàng yal, hòi jà cau kă bro bal mờ mpồl tă pơgồp jơnau đơs, lơh glài broă lơh tìs mờ priă gơwèt mờ bơta tăc phan tàm gùng, kềng gah gùng nàng kă bro phan.