VOV4.K’ho- Ngai 22/08, bal mờ uă càr, ƀòn dờng tàm gùt lơgar, kơnòm bơsram ơdŭ 1 tàm càr Gia Lai hô hơng ngan lòt bơsram. 2 poh mut bơsram lài mờ ngai sơnđờm mut nam bơsram pa dong ală oh in bơsram wơl ală jơnau gĭt wă mờ rcang tai uă bơta chài nàng pin dờn mut  tàm nam bơsram pa. Nam bơsram pa 2022-2023, gùt càr Gia Lai geh 209 hìu bơsram kấp dùl, tàm hơ̆ geh 1 rơbô 200 ơdŭ 1, mờ mờr 35 rơbô nă kơnòm bơsram.

Kơnòm bơsram ơdŭ 1, hìu bơsram kấp dùl Nguyễn Trãi, xã Ia Pếch, kơnhoàl Ia Grai tàm ngai lòt bơsram

Lài hơ̆, Sở Giáo zụk mờ Đào tạo neh geh sră nggal sồr ală Phòng Giáo zụk mờ Đạo tạo đơng lam ală hìu bơsram geh kấp dùl gơwèt gơnap gơnoar atbồ rcang niam ală bơta nàng wă kơnòm bơsram ơdŭ 1 lòt hờ hìu bơsram gờñ rlau 2 poh pơndrờm mờ ngai sơnđờm mut nam bơsram pa, dong ală kơnòm in lơh kwèng mờ broă bơsram bơh hìu bơsram kấp 1 kung bè broă ngui sră măy, sră cih mờ phan ngui bơsram sră.

Cau mblàng K’Hạnh