Nam do là nam dơ̆ 5 bơh rơndap broă lơh dê, ală broă lơh tơrgùm hòi jà kơnòm bơsram mờ mpồl bơtiàn ngui ală rơndeh rơndồ ờ huan tuh tơlik nhơm ƀơ̆, wèt tus bơtàu tơnguh ală ƀòn dờng tơlir mờ niam rlau kung bè sơlơ tơnguh broă lòt rê lơngăp lơngai.

Tàm ngai chờ, ală kwang bàng bal mờ kơnòm bơsram neh đì rơndeh coh tàm ală gơl gùng bơh ƀòn dờng Pleiku dê nàng kờñ tơnguh jơnau git wă ai làng bol in bè bơta kuơmàng bơh ală rơndeh rơndồ kơ̆ kơljap dê. Tàm rơndap broă, Kes priă rơcang sơndră chơt jê câu Á (AIP) neh jàu pà 50 nơm rơndeh coh bơh ală mpồl, cau dùl nă să dong kờl ai kơnòm bơsram sơrlèt gan kal ke bơsram jak tàm ƀòn dờng Pleiku in.