VOV4.K’ho - Drim òr (01/04), Pơrjum pơgồp bal bàr lơgar dơ̆ 22 đah Quân khu V gơwèt Ling klàng Làng bol Việt Nam mờ Quân khu I gơwèt mpồl ling lơgar Campuchia geh bơyai lơh tềng mpồng nhàr dà lơgar dunia Lệ Thanh (kơnhoàl Đức Cơ, càr Gai Lai).

    Pơrjum pơgồp bal bàr lơgar nam 2022 đah Quân khu V lơgar Việt Nam mờ Quân khu I lơgar Campuchia

Tàm pơrjum, Mpồl đơng lam Quân khu V, gơwèt Ling klàng Làng bol Việt Nam mờ Mpồl đơng lam Quân khu I gơwèt mpồl ling lơgar Campuchia neh cri bơyai mờ ring bal ală tơngu me, broă lơh bal tàm nam 2022. Jăt mờ hơ̆, bàr gah ring bal pơn jăt tai tơnguh rơlao tai broă bơto, lam sồr ai kwang bàng, cau ling bal mờ làng bol bàr lơgar in, tàm hơ̆ uă ngan là rơnàng kơnờm să in git rơlao tai bè nùs nhơm tam klăc bal đah bàr lơgar; pơn jăt tai gàr niam bơta lơngăp lơngai cíñ trị, ờ do ờ dă mpồl bơtiàn tàm tiah nhàr dà lơgar; kơrian ală broă lik, mŭt ờ di mờ adăt boh lam; tam dră rơcang sơndră mờ cau tìs gan nhàr dà lơgar.

Cau mblàng Ndong Brawl