Jat hơ̆, lài mờ ngai 20/04 tus, Sở Kế hoạc mờ Đầu tư càr Gia Lai lơh sir sră nggal sồr broă lời tĕ cồng nha cŏk priă tàm Rơndap broă lơh ƀlàng golf Đăk Đoa; Sở Tài cíñ càr Gia Lai lơh sir sră nggal lời tĕ cồng nha tàm pơr lòng giă phan bơna tàm ù tiah, gơnoar ngui ù tàm rơndap broă lơh do dê.

Kung tàm nhai 04 nam 2023, ală Sở Kế hoạc mờ Đầu tư, Tài cíñ, Bơt bơtàu, Tài nguyên mờ Môi trường bal mờ Ủy ƀan Ñân zân kơnhoàl Đăk Đoa pơgồp bal lòt sền, kờp sền ală rơndap broă lơh, sră nggal bơcri priă, jơnau lơh nền gùng dà broă lơh bơcri priă lơh, tăc tàm pơrlòng giă phan bơna tàm ù tiah do dê mờ tăc wơl gơnoar ngui ù, pà sră dờp ngui ù mờ broă lơh jat kơnòl broă priă jền tàm rơndap lơh sir sră nggal sồr Ủy ƀan Ñân zân càr Gia Lai, yal mờ Ƀan Thường vụ Tỉñ ủy, mờ lơh broă bal mờ Ƀộ geh gơrềng bè broă yal mờ Thủ tướng Cíñ phủ in ai wơl gùng dà broă lơh bơcri priă lơh gơwèt mờ rơndap broă lơh ƀlàng golf Đăk Đoa.