VOV4.K’ho- Drim ngai 09/02, Mpồl ờdo ờdă gùng lòt càr Gia Lai mờ mpồl lơh broă geh gơnoar gam mhar bơsong jơnau gơ lời wơl bơh dơ̆ rềs àr gùng lòt ngòt rơngơt ngan lơh 6 nă cau chơt mờ 3 nă cau gơtìp sồt să. Àng drim gờñ dùl ngai bal, rơndeh kong goa geh ƀàng sồ 81C- 111.25 pơndiang bùm blàng bơh Huỳnh Đức Nguyên, deh nam 1983, ơm tàm sơnah ƀòn Chi Lăng, ƀòn dờng Pleiku, càr Gia Lai măi lòt bơh xã Hà Đông tus xã Đăk Sơ Mei, kơnhoàl Đăk Đoa. Tàm tŭ maĭ, rơndeh kong goa nisơna dùh tàm tiah thòng jrô mờr 70 thơk. Dơ̆ rềs àr lơh 6 nă cau chơt. Tơnơ̆ tŭ klo yal, ală mpồl lơh broă geh gơnoar càr Gia lai neh mhar tus tiah gơlik geh rềs àr, dong kờl, jun cau gơtìp sồt să lòt hìu sơnơm mờ bơsong tiah gơlik geh rềr àr, lùp khàu lơh loh jơnau bơh tài gơlik geh broă do.

Cau mblàng K’Duẩn