Gah đơng lam Mpồl ling sền gàr tiah nhàr lơgar càr Gia Lai neh sồr 8 pôs đồng ling sền gàr dà lơgar gơwèt gah đơng lam hòi tơrgùm mpồl ling, sơlơ tơnguh tai ală broă lơh ờs mờng, lam ătbồ, lòt sền, gròi sền kràñ 80 kơi sồ gùng tiah nhàr lơgar. Mơkung lơh pràn broă lơh tam dră wơl mờ ală cau lơh tìs mờ lơh tìs adat boh lam ndai, ngan là bè ma túy, kă bro kơñau mờ lơgar ndai, blơ̆ blăc kă bro, tăc blơi, jun pơndiang, ngui phăo bơrtoh tàm dơ̆ lài, tàm mờ tơnơ̆ sa tềp bơhiàn dà lơgar. Gah đơng lam Mpồl ling sền gàr tiah nhàr lơgar càr Gia Lai pơgồp bal mờ ală mpồl lơh broă geh gơnoar bơh lơgar Campuchia dê nàng sền swì ală bơta gơlik geh bơh đah bơdìh, mơkung pơgồp bal niam mờ ală mpồl lơh broă geh gơnoar tàm tiah nhàr lơgar, lơh niam broă lơh rơcăng lài, tam dră wơl mờ bơsong jơh ală dơ̆ broă gơlik geh.