Ồng Đoàn Hữu Dũng – Kwang atbồ Sở Giao thông Vận tải càr Gia Lai pà git, nàng lơh ală sră nggal gơ rềng tus rơndap broă lơh, Ủy ƀan Ñân zân 2 càr Gia Lai mờ Bình Định neh lơh broă mờ Tổng Kông ty atbồ priă bơcri tàm lồi nam 2023. Cồng nha ai gŏ, rơndap broă lam lơh rơndap broă lơh gùng rơndeh ntoat mhar Pleiku- Quy Nhơn jat broă lơh lơh bal đah dà lơgar mờ cau dùl nă să ờ gơtùi lam lơh, den tàng pal kơlôi sơnơng wơl jat broă lơh bơcri priă dà lơgar. Bè hơ̆ den tàng, Sở Giao thông Vận tải càr Gia Lai neh kờp dŭ wơl, sồr tơrmù khà jòng gùng rơndeh ntoat mhar bơh 151 kơi sồ gơmù mìng gam 143 kơi sồ mờ sang tĕ bơnàng gùng ơm rơndeh jal mhar tàm ală rbàng tàm gùng rơndeh ntoat mhar. Bơh hơ̆, priă bơcri digơlan gơmù bơh 44 rbô 200 tơmàn đông gam rlau 37 rbô 600 tơmàn đông, gơmù rlau 6 rbô 500 tơmàn đông pơn drờm mờ kờp dŭ bơh sơn rờp.