Hơ̆ là Kông ty Trăc ñiệm Hữu hạn Một thàñ viên Bơcri priă Ròng phan Bách Mộc Hợp tàm thôn Cây Xoài, xã Ia Hla, kơnhoàl Chư Pưh mờ Kông ty Bơcri priă bal Gia Lai Farm tàm xã Chơ Glong, kơnhoàl Kông Chro. Bulah ờ hềt geh sră ai gơnoar bè tiah ơm kis mơya bơh ngai 25/01/2023 tus tŭ do, Kông ty Bách Mộc Hợp kung gam ròng rlau 2 rbô nơm sur me mờ 38 nơm sur dam. Ai Kông ty Gia Lai Farm kung ờ hềt geh pà sră ai gơnoar tiah ơm kis, mơya neh ròng rlau 2 rbô 300 nơm sur me, 37 nơm sur dam mờ rlau 4 rbô 700 sur kòn.

Ủy ƀan Ñân zân càr Gia Lai neh lơh glài mờ priă tơl mpồl lơh sa kă bro lơh tìs 320 tơlak đong, mơkung tơn jơh lơh broă 2 anih ròng sur do. Lài hơ̆, Ủy ƀan Ñân zân càr Gia Lai neh lơh glài 3 mpồl lơh sa kă bro ròng pham tàm xã Ia Piơr, kơnhoàl Chư Prông mờ 1 mpồl lơh sa kă bro tàm kơnhoàl Kông Chro tài bơh ờ gàr niam tiah ơm kis.