VOV4.K’ho- Mho ngai 01/8, Gah đơng lam Mpồl ling sền gàr tiah nhàr dà lơgar càr Gia Lai bơyai lơh pơrjum tơn jơh Broă lùp khàu tìs tac bro 7 nă ơruh pơnu kòn cau Jrai tus lơgar Campuchia.

5 nă cau gơtìp tac bro geh dong klàs tàm ngai 04/7 pa do

Mpồl lùp khàu broă lơh tìs neh lơh loh gơtùi broă lơh lơh tìs “tac bro kòn bơnus” bơh klau Trần Quang Quyết (ơm tàm kơnhoàl Ia H’Drai, càr Kon Tum) mờ Phan Ngọc Đức (ơm tàm kơnhoàl Quỳ Châu, càr Nghệ An). 3 nă cau gơ rềng tus broă lơh tìs là Cầm Bá Sáu, Nguyễn Đức Tâm (ndrờm ơm tàm kơnhoàl Ia Grai) mờ Lục Quang Trường (ơm tàm kơnhoàl Ia H’Drai, càr Kon Tum). Mpồl lùp khàu broă lơh tìs neh mblàng yal, hòi jà hìu bơnhă klau Trần Quang Quyết mờ ală cau geh gơ rềng jàu 28 tơlak đông priă cơng tàng tàm broă lơh tìs. Tŭ do, Mpồl ling sền gàr tiah nhàr dà lơgar càr Gia Lai gam sơlơ tơnguh broă mblàng yal tàm tiah làng bol jơi bơtiàn kòn cau dùl êt nă cau pal rơcang ngac mờ ală broă lơh blac pơrlồm, jun cau lòt lơgar Campuchia tìs mờ adat boh lam.

Cau mblàng K’Duẩn