VOV4.K’ho- Mho ngai 01/06, Kwang àng càr Gia Lai bơyai lơh pơrjum tơn jơh 5 nam dơ̆ hòi jà “Bơt bơtàu rài kis cau kwang àng làng bol kơ̆ nùs, kờñ gơboh cau, tài làng bol drơng broă”.

Ală mpồl cau, cau dùl nă să is geh Kwang àng càr Gia Lai pà khà jờng

Tơnơ̆ 5 nam lơh jat dơ̆ hòi jà, ală mpồl lơh broă, ală tiah, đoàn, ơruh pơnu, mpồl cau ùr Kwang àng càr Gia Lai neh bơt bơtàu, lơh jat rlau 200 broă lơh. Tàm hơ̆, broă lơh “4 bal” bơh Cơl dŭ Sền gàr bơta lơngap lơngai tàm dơlam neh pơgồp bơnah lơh niam bơta gĭt gơ̆p tam klăc bal, rềp mềl bal đah mpồl kwang àng mờ làng bol tiah làng bol kòn cau dùl ết nă cau; bơto tơngkah uă cau lơh tìs rê wơl lơh sa niam, mut gơ rờm bal mpồl bơtiàn. Tàm 5 nam do, rlau 1 rơbô mpồl cau, rlau 3 rơbô 600 nă cau dùl nă să is geh cồng nha jak ngan tàm broă lơh, geh ală kấp pà khà jờng sră jờng rơ Dà lơgar dê.

Cau mblàng K’Hạnh