Pơgăp mờ do 70 nam, ală kwang bàng, cau ling mpồl ling phàu crong bal mờ ling klàng mờ làng bol ală jơi bơtiàn càr Gia Lai, mờ “nùs nhơm khin cha jak chài ngan” neh tam klăc bal tam lơh pràn kơl dăng jơh nùs, đòm jat niam bơhiàn cau ling khin cha jak chài bơh bèp ồng dê, lơh geh tam lơh pha lin Đăk Pơ pơn rơ ngan. Tam lơh pha lin Đăk Pơ geh pơn yơu bè Điện Biên Phủ bơh Liên khu V dê, là dơ̆ tam lơh dờng cèng gơnoar broă kah yau mờ gơ tha tam lơh kwơ màng.

Tam lơh phan lin Đăk Pơ pờ geh gơl gùng lòt tờm pơgồp bơnah lơh geh ală pha lin cui rơcai ndai tàm tiah đah mat tơngai lik càr Gia Lai mờ Kon Tum dê lơh geh bơta ƀuơn ngan jơh bal bè gơnoar broă mờ bơta pràn nàng sồr lơgar Tây pal kĭ hiệp địñ Geneve nam 1954. Bơh dùl kơnhoàl bơh sơn rờp lơh sa ờ pràn, tus tŭ do neh cơnđòa guh bơtàu tơnguh bè lơh sa- mpồl bơtiàn tàm khà tơl làm, kơ̆ kơl jăp. Rài kis niam chài bơh làng bol dê sùm geh bơtàu tơnguh, ală bơta kwơ niam chài geh prap gàr mờ ngui niam.