VOV4.K’ho- Tơnơ̆ 2 poh lam lơh ai kơnòm bơsram jơh ală kấp bơsram lòt bơsram tơn tàm hìu bơsram, gah bơto bơtê mờ bơsram càr Gia Lai neh git gŏ geh rlau 1 rbô nă kơnòm bơsram mờ cau pơgru bơtờp kòp Kovid-19. Tŭ do, ală hìu bơsram tàm gùt càr ờ mìng pơn jat tai lơh jat nền nòn ală jơnau sồr bè rơcang sơndră kòp mờ gam lam lơh ngac ngar rơndap broă bơto bơtê mờ bơsram. Tŭ do, ală hìu bơsram tàm càr pơn jat tai lam lơh jat jơnau sồr bơh gah lơh sơnơm mờ jơnau pơlam bơh Sở Giáo zụk mờ Đào tạo dê bè broă lơh rơcang sơndră kòp bơtờp tàm hìu bơsram.

Ală hìu bơsram git gŏ F0 geh lam lơh mơ broă ơm yah ngài gơ wèt tus mờ cau bơtờp kòp mờ ai ală ơdŭ bơsram geh cau F0 tam gơl bơsram pờ tơlik tàm internet tàm 1 poh. Tàm tơngai tus, jat jơnau đơng lam bơh Sở Giáo zụk mờ Đào tạo dê, ală hìu bơsram pơn jat tai mblàng yal niam gơ wèt tus mờ mè bèp, kơnòm bơsram nàng pơgồp bal ờ mìng gàr niam rơcang sơndră kòp mờ gam gàr bè ờs broă lơh bơto bơtê mờ bơsram.

Cau mblàng K’Duẩn