VOV4.K’ho - Tơnơ̆ mờ 3 nhai lơh jăt, broă lơh ơruh pơnu lơh broă nùs nhơm kàl rơlô bơkang nam 2022 tàm càr Gia Lai neh tơn jơh mờ uă bơnah broă geh kwơ, ai să jan tài mpồl bơtiàn bơh ală đoàn viên ơruh pơnu dê.

                   Ală y, ƀák sĩ lơh broă nùs nhơm kham kòp, pà sơnơm ờ sa priă ai cau rơƀah in

Broă lơh ơruh pơnu lơh broă nùs nhơm kàl rơlô bơkang càr Gai Lai geh lơh bơh bồ nhai 6 nam do, mờ ală broă lơh tàm jơh 3 nhai, tàm hơ̆ geh: “Pơlam-Dong kờl kàl pơrlòng”, “Dơ̆ ơm rơlô phồng”, “Bơkào phượng pơrhê” “Lơh broă tơlir”, “Kàl rơbô bơkang tơlir”. Ală broă lơh, broă lơh bơnah broă mùl màl tơrgùm tàm ală xã tiah nhàr dà lơgar; ală xã, ƀòn lơh ngan geh khà ƀòn lơgar pa tàm nam 2022 mờ ƀòn ơm kis, lơh broă, bơsram sră bơh đoàn viên, ơruh pơnu, kơnòm bơsram, cau bơsram dờng. Lơh jăt broă lơh cau kơnòm să càr Gia Lai neh lơh geh ală bơnah broă geh kwơ bè lơh niam wơl mờ lơh pa 27 kơi sồ gùng lòt tàm ƀòn; pơlam sền gàr bơta pràn kơl dang să jan, sền gàr, pà sơnơm ờ sa priă ai 1 rơbô 400 nă cau rơƀah; tam pa mờr 170 rơbô tờm chi; lơh pa 6 nơm hìu tam klăc, hìu nùs nhơm; bơyai lơh bơto jơnau git wă tàm broă mŭt lơh broă, tam jào broă gơguh jăk khoa họk kỹ thuật ai git nđờ rơbô nă ơruh pơnu tàm ƀòn in...

Cau mblàng Ndong Brawl