VOV4.K’ho- Poh tơngkah kir sơnrai 90 nam Ngai crơng gơs càr Gia Lai kờp dŭ geh lơh bơh ngai 19/5 tus jơh ngai 25/5 tus do mờ ală ròt broă lơh bè: dờp mờ yal phan lời wơl ù tiah geh is, tiah tềl kah yau niam chài tiơng pơn rơ bơh càr dê; cribơyai “Tàm tơrbŏ bal Tây Nguyên” mờ tơngume “Chồl pràn bơtàu tơnguh lơh sa suơn sre kơ̆ kơljap jŏ jòng sùm tiah Tây Nguyên mờ tàm tơrbŏ bal ròt bơta kuơ lơh geh phan bơh suơn sre”, “Pơrjum hòi jà bơcri priă càr Gia Lai”, “Drà ràng tơlik kă bro mờ yal tơnggit phan OCOP tiah Tây Nguyên – Gia Lai”. Tàm ròt ală broă lơh do, pơrjum hòi jà bơcri priă bơh càr dê neh geh rơcang lài nền nòn ngan.

Ồng Nguyễn Hữu Quế, Kwang atbồ Sở Kế hoạc mờ Đầu tư càr Gia Lai pà git: Nàng gơtùi tàm tơrbŏ tiah Tây nguyên mờ gơtùi chồl pràn bơta bơtàu tơnguh kơ̆ kơljap jŏ jòng sùm, den gơnoar broă bơh ală cau bơcri priă dê kuơmàng ngan. Bè hơ̆ den tàng, Gia Lai gam lơh ngan lơh niam wơl sră nggal hàñ cíñ, lòt bal mờ mpồl lơh sa kă bro tàm broă tă bơsong kal ke, lơh gơlik broă bơcri priă kă bro niam nàng gơ hòi gơ jà ală mpồl lơh sa kă bro pa bơcri priă tàm càr.

Cau mblàng K’Duẩn