Pơrjum neh lời uă tŭ jơ nàng cribơyai, mblàng lơh loh, sền sơ wì ală gùng dà broă lơh, broă dong kờl bơtàu tơnguh lơh sa- mpồl bơtiàn tiah Tây Nguyên mờ bàr pe gùng dà broă lơh dong kờl krơi is ai tiah do in. Đơs pơn dut pơrjum, Phó Thủ tướng Cíñ phủ ồng Trần Lưu Quang, Củ tịc Mpồl duh broă pơgồp bal đơng pơlam tiah Tây Nguyên đơs là, dơ̆ pơrjum do geh sền là bơta sơn đờm nàng cribơyai broă tus bal pa, bơt bơtàu broă rơndap lơh, tŭ tơngai lam lơh ngan ngồn, gơtùi lơh geh cồng nha, digơlan lơyài mơya kơ̆ kơljap. Tàm hơ̆, kwơmàng kờñ pal lơh tus geh gùng dà broă lơh krơi is ai jơh gùt tiah do in nàng bơh hơ̆ gơtùi tă bơsong ală kal ke, lơh gơlik bơta gơn kơnờm sơlơ chồl pràn tiah Tây Nguyên bơtàu tơnguh.