Tàm dơ̆ cribơyai, ală cau ala mat neh cribơyai, bơyai nùs nhơm bè bơtàu tơnguh đảng viên mờ bàr pe bơta mờng chài bơtàu tơnguh đảng tàm ală Đảng ƀộ Hìu bơsram tàm cau bơsram dờng in; gơnoar broă Đoàn Ơruh pơnu dê tus bal bơt bơtàu Đảng mờ ală anih lơh broă cíñ trị sàng goh, pràn kơl dang, kơ̆ kơljap tàm Hìu bơsram Đại họk.

Ală jơnau cribơyai tàm dơ̆ cribơyai ndrờm đơs nền Đại họk là tiah bơto bơtê, bơsram tàp, bơto bơtê cau jak chài ai Dà lơgar in, là tiah crơng gơs, bơtàu tơnguh bồ tơngoh, nùs nhơm bơh cau bơsram dờng, kwang bàng atbồ tàm rài tơnơ̆ do dê. Den tàng, bơt bơtàu mờ bơtàu tơnguh Đảng gơwèt mờ cau bơsram dờng tàm Hìu bơsram Đại họk là broă lơh kwơ màng tàm broă lơh bơto bơtê, bơsram, bơsram tàp cau bơsram dờng, ai bơta bơtàu tơnguh kơ̆ kơljap bơh Dà lơgar dê.