VOV4.K’ho- Sồr ală anih lơh broă geh gơnoar pal sơlơ tơnguh broă sền sơ wì, gròi sền broă tac phan drơng broă rơcang sơndră kòp Kovid-19 bè sơnơm sơm kòp, kít xét nghiệm, măi was khà oxy tàm mhàm... nàng kờñ pơgồp bơnah tơn jơh bơta tơnguh khà priă ală bơta phan do mờ sền gàr pràn kơldang să jan làng bol, sền gàr gơnoar kuơ dipal bơh cau ngui dê. Do là dùl tàm ală jơnau đơs bơh Thường trựk Ủy ƀan Adat boh lam bơh Quôk hội dê tàm jơnau yal bè 2, 3 broă gơ rềng tus broă lơh rơcang sơndră kòp Kovid-19 gơ wèt gah Ủy ƀan adat boh lam drơng lơh pa do. Tàm poh lài, uă tiah neh git gŏ khà cau bơtờp kòp pa tàm kơnòm dềt gơguh jơnhua, ngan là tŭ ală kơnòm bơsram pa lòt bơsram wơl. Bulah bè hơ̆, broă pơlam xét nghiệm, ơm yah ngài gròi sền pràn kơldang să jan gơ wèt tus mờ kơnòm bơsram geh kòp tàm să, broă bơsong tŭ geh kơnòm bơsram bơtờp kòp Kovid-19 tàm hìu bơsram, tơngai ơm yah ngài tàm hìu gơ wèt tus mờ kơnòm bơsram tŭ do ờ hềt loh làng, ring bal.

Cau mblàng K’Duẩn