Ồng Phạm Ngọc Nghị, Củ tịc Ủy ƀan Ñân zân càr Dăk Lăk pà git, tŭ rơndap broă ờ tơl priă lơh, càr neh dan tơnguh kờp jơh priă bơcri bơh 1 rbô 509 tơmàn đông gơguh tus 1 rbô 841 tơmàn đông, gơguh tai 332 tơmàn đông. Khà priă do nàng kờñ dong broă ai ù lơh rơndap broă jơh gùt gơl gùng, mơya tus tŭ do, broă lơh do kung gam lơyài ngan. Bơta do ai gŏ, ală anih lơh broă, mpồl lơh broă ờ hềt lơh jơh kơnòl. Củ tịc Ủy ƀan Ñân zân càr Dăk Lăk sồr ală anih lơh broă, mpồl, gah broă lơh geh gơ rềng pal jơh nùs, rơcang lài lam lơh ală kơnòl broă he dê. Tàm hơ̆, cau atbồ pal sơlơ tơnguh tai kơnòl, geh jơnau sồr tus kâp hơ đơm. Ngan là broă lơh ai ù lơh rơndap broă, tŭ do gam gơ kòl mờ lơyài, pal geh bơta lơh bal jơh nùs rlau tai hơ̆ sồng gàr niam tŭ tơngai hơ pơrgon jat broă rơndap lơh.