VOV4.K’ho - Đơs tàm dơ̆ tam jào broă lơh bè broă rơcang sơndră mờ kòp kovid-19 tàm ƀòn dờng do mho ngai òr (17/02), ồng Chử Xuân Dũng, Phó Củ tịc UɃÑZ ƀòn dờng Hà Nội pà git, Thường trực Thàñ ủy neh ring bal tơngai ai kơnòm dềt bơsram mầm non lòt bơsram wơl bơh ngai 1 nhai 3 tus; jào Sở Giáo dục mờ Đào tạo kơlôi sơnơng, bơ̆t bơtàu gùng dà broă lơh, jơnau dan, jơnau sồr, jơnau pơlam bè tơngu me do, tàm hơ̆ pal kah tus mờ ală broă bơyai lơh niam ờ do ờ dă, ndrờm bal, geh cồng nha mơya ờ kră kơl dang ir, ờ di pal nàng di mờ jơnau kơ̆p kờñ bơh làng bol dê.

Ồng Chử Xuân Dũng sồr ală kấp, gah lơh broă, ală kơnhoàl tàm ƀòn dờng tus bal, sền do là kơnòl kwơ màng, rơcang pơgồp bal mờ hìu bơsram nàng lơh jăt nền nòn broă rơcang sơndră mờ kòp gơtờp, gàr niam broă bơto mờ bơsram ờ do ờ dă, lơh jăt ndrờm bal broă ai kơnòm bơsram lòt bơsram wơl, geh làng bol, hìu bơsram, kơnòm bơsram dờp bal mờ nùs nhơm chờ hờp.

Cau mblàng Ndong Brawl