VOV4.K’ho- Drim 6/10, tàm ƀòn dờng Hà Nội bơyai lơh dơ̆ sơnđờm mŭt lơh rơndap broă lơh gùng brong tàm tiah tàm tìp gùng pleh 2.5- Giải Phóng (quận Hoàng Mai). Rơndap broă lơh kờp jơh priă kĭ 780 tơmàn đong bơh kes priă ƀòn dờng Hà Nội dê. Rơndap broă lơh gùng brong tàm tiah tam tìp gùng pleh 2.5- Giải Phóng geh bơta ơnàng 4 bơnàng gùng rơndeh, kờp jơh bơta jòng pơgap 460 thơk, tàm hơ̆ geh bơnah gùng brong ndơ̆p jòng 140 thơk mờ gùng brong pờ jòng 320 thơk. Tiah bơh chờm bơh gùng brong dê tàm tơrbŏ bal mờ rơndap broă lơh Gùng pleh 2.5 gơl gùng Đầm Hồng- Gùng rơndeh dờng 1A.

Gùng brong gùng pleh 2.5- Giải Phóng geh khà bơcri priă mờr 800 tơmàn đong

Đơs tàm dơ̆ sơnđờm mŭt lơh, ồng Trần Sỹ Thanh, Củ tịc Ủy ƀan Ñân zân ƀòn dờng Hà Nội đơs sùm, rơndap broă lơh gùng brong Gùng pleh 2.5 mờ gùng Giải phóng geh sền ngan ngồn là broă lơh tờm bơh ƀòn dờng dê tơngai bơh nam 2021-2025; jơnau kờñ tơrmù ƀà bơta gơ kòl gùng lòt mờ hời rơ hời lơh sir ală broă lơh gùng lòt càr lơgar dê jat rơndap ù tiah neh geh Thủ tướng Cíñ phủ kĭ ring bal. Den tàng, broă lơh rơndap broă lơh bơt bơtàu là kờñ pal geh ngan mờ jal mhar ngan.

 VOV Tây Nguyên- Cau mblàng K’Hạnh