Đơs tàm Broă đơs crih tamya mờ tơngu me “Ƀlàng bồc tiah ndu gơnrơ Đồng Lộc – tơrbŏ bal rơbô nam” geh bơyai lơh lồi poh lài, tàm Tiah tềl kah yau Sơnĕ pe Đồng Lộc, Phó Củ tịc lơgar mò Võ Thị Ánh Xuân kơ̆p kờñ “Đảng ƀộ, gơnoar atbồ, ling klàng mờ làng bol càr Hà Tĩnh lơh niam rơlao broă lơh kis git jơnau git adăt, drơng gàr ai cau geh màng mờ dà lơgar in; đờm jăt bơhiàn ờs mờng niam chài, Khin cha kăc màng bơh ƀòn lơgar dê, lơh kah wơl nùs nhơm kơ̆p kờñ bơh kòn bơnus Hà Tĩnh dê, pơn jăt tai lơh geh ală cồng nha neh lơh geh bơh bơnơm Hồng dà dờng La tàm rài pa”.

Broă lơh đơs crih tamya “Tiah ndu gơnrơh Đồng Lộc – tơrbŏ bal rơbô nam” geh Ƀăo Ñân zân, Đoàn Ơruh pơnu Kộng sản Hồ Chí Minh Dà lơgar bal mờ càr Hà Tĩnh pơgồp bal bơyai lơh. Broă lơh geh 3 bơnah, dong kờl cau sền in gŏ wơl mờ ală nam nhai khin cha kah yau. Jơh gùt broă đơs crih tamya là broă tam gơl bơh nùs nhơm tus mờ broă lơh; bơh ală jơnau kơ̆p kờñ bơh rơnàng ơruh pơnu tŭ lơi kung rơcang lài tam lơh, phi să tài bơta ring lơngai, dà lơgar tơrgùm bal, tus mờ broă lơh ngan bơh rài tŭ do dê tàm broă bơ̆t bơtàu dà lơgar khin cha, pràn kơl dang, pas gơs.