VOV4.K’ho- Drim ngai 30/05, tàm Anih tờm Niam chài xứ Đông, càr Hải Dương bơyai lơh pơrjum tìp mat cau lơh sa kă bro lơgar Nhờk nam 2022 mờ tơngume “Hải Dương- bơta pràn mờ tŭ tơngai bơcri priă FDI”. Bơh 25 nam gơ hòi gơ jà bơcri priă FDI,  tus tŭ do, neh geh 490 rơndap broă lơh bơcri priă bơh lơgar ndai bơcri tàm càr Hải Dương; tàm hơ̆ geh 60 rơndap broă lơh bơh lơgar Nhờk dê mờ kờp jơh priă bơcri mờr 1 tơmàn 500 tơlak dolar Mỹ, ơm dơ̆ 2 bè khà rơndap broă lơh mờ khà priă bơcri FDI tàm Hải Dương dê.

Hải Dương gơ hòi gơ jà bơcri priă mờ ală mpồl lơh sa kă bro lơgar Nhờk  

Ồng Phạm Xuân Thăng, Ƀí thư Tỉnh ủy Hải Dương đơs nền, Hải Dương geh là 1 tiah tus bơcri priă pal sền gròi ngan bơh mpồl lơh sa kă bro lơgar Nhờk dê. Tàm dơ̆ pơrjum tơn, kwang đơng lam bồ càr Hải Dương neh hơ tơn ală jơnau lùp, tă bơsong uă bơta kal ke, kòl yan ai ală mpồl lơh sa kă bro lơgar Nhờk in; jờng rơ mờ pà khà jờng ai bàr pe mpồl lơh sa kă bro lơgar Nhờk pơn rơ jak in, geh broă lơh lơh sa kă bro niam mờ tă pơgồp tàm kes priă dà lơgar kung bè càr Hải Dương in.

Cau mblàng K’Hạnh