Tàm dơ̆ pơrjum do, HĐÑZ càr Dăk Lăk sền wơl, cri bơyai mờ ai tơlik ală mpồl tơngu me gơrềng tus broă kwang bàng ờ geh kơnòl mờ pồ bơtơl Kwang bàng geh jơng tàm UɃÑZ càr khoă X, tơngai bơh nam 2021 tus 2026 mờ bơyai lơh ai sră tơnpồ pin dờn gơwèt mờ kwang bàng at gơnoar broă geh HĐÑZ càr Dăk Lăk khoă X, tơngai lơh broă bơh nam 2021 tus 2026 pồ jăt kơrnoăt tàm Nghị quyết sồ 96 nam 2023 bơh Quốk hội dê mờ ờ uă tơngu me kwơ màng ndai.

Đơs tàm dơ̆ sơn đờm pơrjum, mò Huỳnh Thị Chiến Hoà, Củ tịc HĐÑZ càr Dăk Lăk đơs nền, Dơ̆ pơrjum mìng geh dùl tơngu me dơ̆ 10 geh sền wơl, ai tơlik kơrnoăt uă tơngu me kwơ màng, tàm hơ̆ geh bơyai lơh dơ̆ pơrjum ai sră tơnpồ pin dờn gơwèt mờ kwang bàng at gơnoar broă geh HĐÑZ càr pồ nàng lơh jăt Kơrnoăt sồ 96 mờ sền wơl, ai tơlik kơrnoăt ală tơngu me kwơ màng gơwèt gơnoar broă mờ lơh broă bal mờ UɃÑZ càr nàng bơsong ală broă gơlik geh; di pal mờ jơnau kờñ broă kwang bàng mờ kơnòl bơtàu tơnguh lơh sa mpồl bơtiàn tàm càr dê.