Ƀí thư Đảng dà lơgar, Phó Thủ tướng ồng Lê Minh Khái neh tus bal mờ đơs đơng lam tàm pơrjum. Mờ mờr 64 rbô nă cau tàm mpồl, tơngai lơh broă pa do, Hiệp hội neh pơn jat tai lam lơh niam gơ noar broă mờ bơta lơh broă geh cồng nha bơh Ƀan cấp hàñ tơngai lơh broă bơh nam 2018 tus nam 2023 dê, Hiệp hội neh bơtàu tơnguh pràn jơh bal bè broă lam lơh, bơta broă lơh, khà, bơta niam mờ cồng nha lơh broă.

Đơs tus kơnòl broă tàm tơngai tus, Phó Thủ tướng ồng Lê Minh Khái sồr, Hiệp hội mpồl lơh sa kă bro dềt mờ di mơ Việt Nam pơn jat tai ngui niam rlau tai bơhiàn niam bơnĕ, pơn jat tai geh ală broă lơh ngan ngồn, lòt bal mờ Cíñ phủ, ală Ƀộ, gah broă lơh dà lơgar, càr, ƀòn dờng nàng dong kờl ală mpồl lơh sa kă bro dềt mờ di mơ sơrlèt gan kal ke, pơn jat tai tơnguh broă bơtàu tơnguh wơl mờ bơtàu tơnguh.