Hìu bơsram Đại họk Tây Nguyên tŭ do geh rơlao 640 nă kwang bàng, viên cứk, bơto rơlao 9 rơbô nă cau bơsram dờng, mờ 5 gah tiến sĩ, 12 gah thạc sĩ mờ cuyên khoa kấp I, 36 gah đại học, 1 hìu bơsram kấp 3 mờ 1 hìu bơsram mầm non lơh broă.

                            Kwang đơng lam càr Dăk Lăk jào pà goàng bơkào chờ gờm nam bơsram pa

Tŭ do hìu bơsram Đại họk Tây Nguyên neh lơh gơs broă sền nàng git bơta niam phan bơna bơto bơtê mờ lơh gơs broă sền nàng git bơta niam 3 gah bơto: Bơto kấp 1, Quản trị kiñ doañ mờ Kông nghệ siñ họk geh bơta kờñ bơh Ƀộ Giáo dục mờ Đào tạo geh ai. Jăt kơrnoăt sồ 23 ngai 06 nhai 10 nam 2022 bơh Ƀộ Cíñ trị dê bè gùng dà tơnguh bơtàu lơh sa mpồl bơtiàn mờ gàr niam bơta lơngăp lơngai dà lơgar tiah Tây Nguyên tus nam 2030, wèt tus nam 2045, Hìu bơsram Đại họk Tây Nguyên là dùl tàm ală tơngu me geh ai lài tơnguh bơtàu. Hìu bơsram Đại họk Tây Nguyên ai kơnòl tờm bơh nam bơsram do là tơnguh bơta pràn tàm broă atbồ đại họk, lơh gơs broă kwang bàng, cau pơgru jăt broă lơh niam, geh bơta pràn mờ geh cồng nha, tơnguh broă ngui kông nghệ thông tin tàm broă atbồ, bơto mờ bơsram.