VOV4.K’ho- Drim ngai 29/2, tàm càr Quảng Ninh, Hội đồng Lý luận dà lơgar bơyai lơh pơrjum dơ̆ 3. Pơrjum tơrgùm cribơyai, tă pơgồp jơnau đơs tàm 2 jơnau rơcang cih jơnau yal pơlam, hơ̆ là Jơnau yal pơlam “Bàr, pe broă lý luận, bơta geh ngan bơh 15 nam lơh jat Nghị quyết Đảng dà lơgar dơ̆ 7 khóa 10 bè lơh sa suơn sre, cau lơh broă sa, ƀòn lơgar”, Jơnau yal pơlam “Bàr, pe broă lý luận- bơta geh ngan bơh 20 nam lơh jat Nghị quyết Đảng dà lơgar dơ̆ 5 khóa 9 bè pơn jat tai tam gơl pa, bơtàu tơnguh mờ tơnguh cồng nha lơh sa mpồl bal”.

Đơs tàm pơrjum, Củ tịc Hội đồng Lý luận dà lơgar ồng Nguyễn Xuân Thắng đơs nền, ală cồng nha neh lơh geh geh kuơ dờng ngan mờ geh gơtha kuơmàng ngan. Tơnơ̆ 35 nam tam gơl pa, lơh sa suơn sre geh bơta tam gơl pràn ngan gơs lơh gơlik phan bơna kă bro, ngui kông nghệ kao, tơnguh bơta niam mờ cồng nha lơh geh, pơn jat tai là gah chồl pràn rài lơh sa; lơh sa ƀòn lơgar pơn jat tai bơtàu tơnguh; broă lơh bơt bơtàu ƀòn lơgar pa lơh geh uă cồng nha kuơmàng.

Cau mblàng K’Duẩn