VOV4.K’ho - Drim òr (11/10), Hội đồng Ñân zân (HĐÑZ) ƀòn dờng Hồ Chí Minh khoă 10 bơyai lơh pơrjum dơ̆ 7 (pơrjum jăt tơngu me) nàng sền, ai tơlik kơrnoăt mờ uă tơngu me gơwèt gơnoar broă, geh bơta jal mhar, kwơ màng nàng lơh jăt niam kơnòl tơnguh bơtàu lơh sa mpồl bơtiàn nam 2022 mờ ală nam pơn jăt tai.

Ồng Bùi Xuân Cường Phó Củ tịc pa geh pồ UɃÑZ ƀòn dờng Hồ Chí Minh

Tàm pơrjum do, HĐÑZ ƀòn dờng Hồ Chí Minh pơgồp jơnau đơs, cri bơyai nàng sền mờ ring bal 13 jơnau rơcang cih nghị quyết bè: broă lơh krơi is dong kờl priă bơsram ai kơnòm dềt mầm non, kơnòm bơsram; cih ai khà priă bơsram nam bơsram 2022-2023 mờ ală nam pơn jăt tai tàm ƀòn dờng dê; gùng dà tă priă, lơh nền lơh wơl gùng dà bơcri priă lơh ală broă rơndăp lơh dà lơgar; lơh wơl broă rơndăp lơh bơcri priă dà lơgar di mơ tơngai bơh nam 2021 tus 2025 mờ nam 2022; lơh wơl broă kờp dŭ lài kes priă dà lơgar nam 2022. Kung tàm pơrjum jăt tơngu me do, ală kwang bàng tàm HĐÑZ ƀòn dờng neh pồ ồng Bùi Xuân Cường, kwang atbồ Mpồl atbồ gùng rơndeh ồs ƀòn drà ƀòn dờng Hồ Chí Minh lơh Phó Củ tịc UɃÑZ ƀòn dờng Hồ Chí Minh tơngai lơh broă bơh nam 2021 tus 2026.

VOV.vn – Cau mblàng Ndong Brawl